ÚTGERÐ TIL ENDURNÝTSLUPLÁSS

Vegleiðing um útgerð til endurnýtslupláss
Ynskja tit at skilja burturkastið betur? Tað er ikki neyðugt við nógvari útgerð. Her er ein vegleiðing til tær kommunur, sum ynskja at betra um møguleikarnar hjá borgarunum at skilja burturkastið, til frama fyri umhvørivð.

Brennandi
Slag av burturkasti Útgerð
Burturkast at brenna Jarnbingja til brennandi
Endurnýtsla
Slag av burturkasti Útgerð
Reint papp og pappír Jarnbingja ella minni plastbingja
Fartelefonir Í kurv ella spann, sum stendur innandura
Leidningar Í svartar plastsekkir innandura
Elektronikkur Størri mongdir á platt ella í kassa, ið kann koyrast við plattlyftara. Annars hóskandi ílat max. 20 kg. at bera. Hav tong við hondina, so leidningar kunnu klippast av tólunum og leggjast fyri seg.
Ljósrør og spariperur Skal standa innandura. Ljósrør skulu í avlangar pappeskjur til keyps frá IRF. Spariperur skulu í hóskandi ílat, t.d. spann, so tað ikki brotnar, tá ið tað verður handfarið.
Jarn og metal Jarnbingja ella jarnlast
Glærplast Klárt, reint og bleytt glærplast kann savnast í kláran posa, sum skal standa innandura.
Nótir, trol og gørn Smáar mongdir kunnu latast í hvítan stórsekk m.a. til keyps frá IRF. Størri mongdir verða eftir avtalu tiknar upp av kranabili hjá IRF á plássinum.
Spillolja Spilloljutangi
Burturkast at tyrva Útgerð
Gips og asbest skal saman

*Gevið gætur: Gips má undir ongum umstøðum brennast. Tað gevur sera dálkandi útlát frá sær og terir ketilin á Brennistøðini.

Gips og asbest verður tyrvt saman, men má ikki koma í bland við annað tyrviburturkast.
Tað er krav frá Umhvørvisstovuni.

 

Gips og fráskurðir frá asbesti skulu vera í stórsekki frá IRF og standa undir taki/hálvtaki.Heilar asbestplátur skulu av trygdarávum liggja væl á platti. Avskurðir skulu vera í posa, so ikki dust stendur frá og koyrast í bingju ella stórsekk frá IRF til gips og asbest.

Blandað tyrviburturkast (restin):
Bjálving, keramik, trýstviðgjørdur viður, PVC rør, glasfibur, glas, restir av byggitilfari.
Jarnbingja. Kann eisini fara í stórsekkir frá IRF, sum skulu standa undir taki/hálvtaki. Bjálving og flamingo skulu vera í plastposum, áðrenn tað verður latið í bingju ella stórsekk, so tað ikki fýkur við vindinum og dálkar umhvørvið.

Útgerð til blandað tyrviburturkast: Bingja. Kann eisini fara í stórsekkir frá IRF, sum skulu standa undir taki/hálvtaki. Bjálving skal vera í svørtum ruskposum, áðrenn tað verður latið í bingju ella stórsekk saman við restina av tyrviburturkastinum.

Serliga dálkandi burturkast Útgerð
Kemiskur lútur, loysingarevni, lak, máling o.s.fr.: Skal standa innandura. Lat kemiskan lút standa væl í t.d. spann. Kommunan kann eisini melda seg til umbýtingar tænastuna hjá IRF til vandamikið burturkast, har kommunan fær sýrufastan kassa frá IRF at goyma vandamikið burturkast í. Kommunan fær ein nýggjan kassa, tá ið hin verður heintaður. Tænastan kostar eitt árligt gjald, sí prísbók.
Battaríir Glaskrukka við skrúðuloki. Skal standa innandura.
Køliskáp og frystiboksir Skulu standa á platti
Akkumolatorar Skulu standa á platti