Skiljing av gávuinnpakkingini

Nú styttist til jólaaftan, og kring alt landið verða gávur í rúgvuvís pakkaðar inn. Nógv pakkitilfar verður nýtt hesa ársins tíð, og tað er sera umráðandi, at vit fáa sent størsta partin av hesum til endurvinning.

Men hvussu skal pakkitilfarið skiljast?

• Vanligt gávupappír, kartong og papp skulu í hvíta posan
• Folio-innpakkningur skal í gráa posan
• Gávubond skulu eisini í gráa posan
• Alt tað bleyta plastið kann fara í ein posa fyri seg, og hesin posin kann latast í hvíta posan.

Harumframt ber eisini til at minka um nýtsluna av gávupappíri á jólum. Gávurnar kunnu t.d. pakkast í tíðindabløð og líknandi. Eigur tú dúkar ella gardinur, sum tú ikki brúkar longur, ber eisini til at klippa hesi sundur í smærri stykkir at nýta til gávurnar. Hesi stykkini kunnu nýtast umaftur ár eftir ár. Sera burðardygt.

Í fjør sendu vit 87 tons av bleytum plasti til endurvinning. Sí fleiri endurvinningarhagtøl her.