Ársfrásagnir og hagtøl

image_pdf

Øll hagtøl og frágreiðingar felagsins annars eru á finna í ársfrásøgnunum, ið kunnu takast niður sum pdf-fílur her.

Hagtøl 2019

Í 2019 tók IRF ímóti 41.922 tonsum av burturkasti. Hetta er ein 7,7% hækking samanborið við 2018 (Talva 1). Nøgdirnar av burturkasti til tyrving standa mestsum í stað, endurvinning er økt 1,7%, og burturkast at brenna er økt 12,9%.

Hjá IRF verður burturkast viðgjørt eftir trimum høvuðshættum: Endurvinning, brenning (orkuútvinning) og tyrving. Endurvinningarburturkast er tilfeingi, ið kann verða til nýggjar vørur, t.d. papp. Burturkast, ið ikki kann endurvinnast, t.d. húsarhaldsrusk, verður brent, og hitin verður nýttur til fjarhita. Tilfar, ið hvørki kann endurvinnast ella brennast, t.d. gips, verður tyrvt. IRF arbeiðir fram ímóti, at so nógv burturkast sum gjørligt verður endurvunnið, í aðru atløgu brent og í síðsta enda tyrvt.

Í ársfrásøgnini 2019 eru frágreiðingar til talvurnar, eins og fleiri hagtøl eru at finna.