UMHVØRVISPOLITIKKUR

image_pdf

Home

IRF skal virka fyri, at vit kunnu lata komandi ættarliðum Føroyar betri og burðardyggari. Tilverugrundarlagið hjá IRF er at savna og viðgera burturkast á umhvørvisliga rættan hátt, bæði fyri at fyribyrgja dálking av okkara umhvørvi og tryggja, at tilfeingið í burturkastinum verður hildið í ringrás.

IRF skal ganga á odda á burturkastøkinum og á nýskapandi og ágrýtnan hátt gera Føroyar grønar.

Umhvørvispolitikkurin hjá IRF tekur støði í teimum 17 heimsmálunum hjá ST fyri burðardygga menning. Umhvørvispolitikkurin útgreinar kós felagsins í arbeiðinum fram ímóti at gera Føroyar reinari og burðardyggari.

IRF hevur sett 4 høvuðsumhvørvismál á skrá í 2020:

1. Ábyrgdarfull nýtsla og framleiðsla
Øll nýtsla og framleiðsla hjá IRF skal vera ábyrgdarfull og burðardygg. Harumframt er tað ein av fremstu uppgávum felagsins at upplýsa og eggja til fyribyrging, endurnýtslu og endurvinning av burturkasti í Føroyum.

2. Reint havumhvørvið
IRF skal virka fyri, at einki burturkast ella onnur skaðilig evni verða latin á sjógv.

3. Grøn og skynsom orkunýtsla
IRF skal hava eina grøna og skynsama orkunýtslu, og orkuframleiðslan hjá IRF skal gagnnýtast til fulnar.

4. Eitt av Føroya bestu arbeiðsplássum
IRF skal vera eitt arbeiðspláss, har starvsfólk trívast, og har fyrilit verður sýnt tilfeinginum hjá einstaka starvsfólkinum. Harumframt skal IRF vera ein virkin og samskipandi samstarvsfelagi á almenna pallinum og á umhvørvisøkinum sum heild.