Við hesum verður boðið út í almennari lisitatión arbeiðið at tyrva burturkast og stórsekkir, við viðgjørdari rottangaevju, á nýggja tyrvingarplássinum í Nýggjheiðum omanfyri Kvívík.
Í sambandi við arbeiðið verður roknað við hesum nøgdum:
- Tyrvingarburturkast og ilska: 10.000 m3/ár
- Stórsekkir við rottangaevju: 3.500 m3/ár
Sáttmálatíðarskeiðið er sett til 5 ár – frá juli 2023 til juli 2028.
Viðmerkjast skal, at IRF og KB áhaldandi arbeiða fram ímóti, at so nógv burturkast sum gjørligt verður endurvunnið, í aðru atløgu brent og í síðsta enda tyrvt.
Útbjóðingartilfarið kann bíleggjast frá PB Consult við at senda teldupost til ba@pbc.fo. Síðsta freist at bíleggja er 22. juni 2023.
Útbjóðingartilfarið verður bert sent út talgilt. Tá ið biðið verður um útbjóðingartilfar skal upplýsast: Navn á virki, kontaktpersónur, telefonnummar og teldupostur.
Dronumynd: Hallur Thomsen, KVF